Reglur fyri lærarar

Uppmøting

  1. Lærarin møtir vælupplagdur og stundisliga til arbeiðis.
  2. Lærari, ið ikki kann møta, eigur at siga skúlanum frá skjótast gjørligt.
  3. Eingin má fara úr skúlanum við næmingum í undirvísingartíðini uttan loyvi frá leiðsluni.
  4. Garð- og gongsvaktir skulu verða hildnar smb. galdandi vaktartalvu.

Morgunsangur

  1. Morgunsangur er frá kl. 9.20 til kl. 9.30.
  2. Meðan morgunsangur er, hevur lærarin, sum hevur næmingarnar annan tíma, ábyrgdina av teimum.

Leiðsla

  1. Skúlastjórin hevur eftirlit við øllum virksemi skúlans. Hann hevur skyldu til at skipa fyri rættlagi í skúlanum.

Flokslærari

  1. Flokslærarin tekur sær vanliga av samarbeiðinum millum heim og skúla.
  2. Flokslærarin hevur ábyrgd av at fáa í lag foreldrafundir tvær ferðir um árið. Fyrri fundurin eigur at vera fyri heystfrítíðina og hin seinni í mars mánaði.
  3. Flokslærarin hevur ábyrgd av, at einstaklinga læriætlan fyri hvønn næming verður gjørd fyri heystfrítíðina – í samráð við foreldrini.

Ped. starvsfólk skúlans.

  1. Pedagogisku starvsfólk skúlans hava skyldu at møta til teir ásettu námsfrøðiligu ráðleggingarfundirnar. Berst onkrum frá, eigur skúlastjórin at fáa fráboðan um hetta.
  2. Tey eiga at siga stjóranum frá øllum tiltøkum viðvíkjandi næmingunum s.s. útferðum, veitslum o.ø.
  3. Øll hava skyldu at fremja skil og rættlag í skúlanum.

Tagnarskylda

  1. Starvsfólk skúlans hava tagnarslyldu. Tagnarskyldan er viðvíkjandi øllum persónligum viðurskiftum, tey í starvi sínum fáa kunnleika um. Tagnarskyldan er eisini galdandi, eftir at tey eru farin úr starvi.
  2. Journalir skúlans eiga at vera í arkivskipanini. Tann, sum í arbeiði sínum skal nýta eitt mál, eigur at skriva á fráboðanarlepan í arkivlummanum, hvør hevur málið.